Nzishimanumve Alfred wo mu murenge wa Nyakariro ho mu karere ka Rwamagana yatawe muri yombi n'Urwego rw'Igihugu rw'Ubugenzacyaha RIB akurikiranyweho gusambanya abana b'abahungu barenga 20.
Ibyaha Nzishimanumve akurikiranweho, byamenyekanye nyuma y'uko umwe mu bana atashye  ari kubabara cyane avuga ko yasambanijwe n'uyu Nzishimanumve ndetse ko azi n'abandi bana benshi bagenzi be basambanijwe nkuko umuyobozi w'umurenge Muhigirwa David yabitangarije itangazamakuru ati 'Ubwo uwo mwana w'Imyaka 13 yatahaga avuye mu rugo rw'uwo mugabo yauze ko arimo kuribwa cyane,ndetse ko yasambanijwe. Ndetse yongeyeho hari n'abandi bana benshi azi basambanijwe n'uyu mugabo aho yakundaga kubashukisha imineke ndetse n'abakuru akabaha amafaranga.' Uyu Alfred agifatwa nawe yiyemereye ko yasabanijwe abo bana. Alfred   yari amaze igihe y'amezi 9 muri gereza aho nabwo yari afunzwe nyuma yo guhamwa n'icyaha cyo gusambanya abana.
Mu gihe iperereza rikomeje gukorwa, kuri ubu Nzashimanumve Alfred afungiwe kuri sitasiyo ya RIB ya Karenge mu karere ka Rwamagana.
