Umuhanzi Kabera Arnold uzwi cyane ku mazina ya Sintex yashyize hanze Film ngufi (short movie) nyuma y'iminsi mike asohoye amashusho y'indirimbo ye 'Situation' Iyi film yiswe 'Silent Situation ikubiyemo ubutumwa busa n'uburi mu ndirimbo 'Situation'.
Umuhanzi Sintex
Aganira n'igitangazamakuru dukesha iyi nkuru, Sintex yemeje ko abatuye isi bashobora guhindukirira gukora ibyiza ku bw'ubutumwa bumvise mu bihangano by'abahanzi kuko akenshi abahanzi bakunze kuririmba inkuru mpamo mu ndirimbo zabo bityo ugasanga hari izigisha uburyo bwo kwikura mu kibazo runaka no kubana neza n'abaguhemukiye zikaba zatuma habaho guhinduka kw'imitima ya benshi.
Muri iyi film ngufi yanditswe na Sintex ubwe ndetse ikayoborwa na se umubyara ariwe Jones Kennedy Mazimpaka igaragaza ubuzima umwana muto wari ubayeho mu buzima butari bwiza ndetse n'abandi bantu bagiye batandukanye bari babayeho mu buzima buruhije kandi butari bwiza ariko bakaza kugira amahirwe yo kubuvamo. Ni film kandi yagizwemo uruhare runini na 'Heal the World Universe. Iyi fim yerekana ko amahirwe agihari kuri buri wese ko ashobora kuvamo umuntu ukomeye kandi w'ingirakamaro mw'Isi dutuyemo. 'Silent Situation' iraboneka kuri Youtube Channel y'uyu muhanzi yitwa 'Sintex Official'.
Â
Manuka hasi utubwire icyo ubuze mu inkuru kandi wifuzaga kukimenya✍ cga Igitekerezo cyawe kuri iyi nkuru umaze gusoma. Urakoze🙏
Source : https://yegob.rw/umuhanzi-sintex-yasohoye-film-ngufi-yerekeranye-nindirimbo-ye-nshya-yise-situation/
