Kuri uyu wa Gatatu , tariki ya 3 Werurwe 2021, Indege itwaye doze 240,000 z'urukingo rwa AstraZaneca muri gahunda ya Covax yageze i Kigali nk'uko bivugwa n'ikigo cy'itangazamakuru cy'u Rwanda, RBA.
Biteganyijwe ko uyu munsi nimugoroba u Rwanda rwakira izindi doze 102,960 z'urukingo rwa Pfizer, nk'uko bivugwa na RBA.
Mu kwezi gushize, u Rwanda rwakingiye abantu rukoresheje doze nkeya z'inkingo bivugwa ko ari iza Pfizer rwabonye 'mu bufatanye mpuzamahanga', nk'uko byavuzwe na minisiteri y'ubuzima.
Mu Rwanda hamaze gutangazwa abantu barenga 19,000 banduye Covid-19 na 265 imaze kwica.
Covax ni gahunda ishyigikiwe na UN/ONU yahurije hamwe ibihugu bikagura inkingo ku nganda zazikoze hagamijwe cyane cyane kuzigeza ku bihugu bidafite amikoro yo kuzigurira ku isoko.
Iyi gahunda iteganya gutanga doze miliyari ebyiri ku bihugu 190 mu gihe kitarenze umwaka.
Source : https://impanuro.rw/2021/03/03/u-rwanda-rwakiriye-inkingo-za-coronavirus-amafoto/
