Minisiteri y'Ubuzima yatangaje ko umuntu umwe yahitanywe n'icyorezo cya COVID19 bituma umubare kimaze guhitana uba 307.Ni mu gihe abanduye bashya ari 138, na ho abakize ni 181.
Amakuru yose kuri Covid-19:
Habonetse abanduye bashya:138
Abanduye bose:21,783
Hakize:181
Abakize bose:20,182
Hapfuye:1(Umugabo w'imyaka 70 witabye Imana i Huye )
Abamaze gupfa bose: 307
Abakirwaye:1,294
Abarembye:5
Abakingiwe bashya:0
Abakingiwe kuva ku wa 05/3/2021:348,926
Sosiyete za Pfizer Inc na BioNTech SE zatangaje ko urukingo rwazo rurinda Covid-19 rwatanze icyizere mu bana bari hagati y'imyaka 12 na 15, nyuma y'igerageza.
Iryo gerageza ryakorewe muri Amerika ryatanze icyizere ko urwo rukingo rushobora kwemererwa kuhakoreshwa ku bantu bari muri iyo myaka.
Pfizer yatangaje ko nibura mu mwaka utaha w'amashuri, abanyeshuri bari muri icyo kigero bazatangira guterwa urwo rukingo.
Ubusanzwe urukingo rwa Pfizer rwemerewe guhabwa abantu bafite hejuru y'imyaka 16.
Mu bana 2260 bakoreweho igerageza, 18 gusa nibo barwaye Covid-19, biruha amahirwe menshi yo kurinda icyo cyiciro ku rwego ruhambaye.
Nta bimenyetso bidasanzwe urwo rukingo rwateye abana barutewe, ibyagaragaye ni kimwe n'ibyabonetse mu bantu bageragerejweho urukingo bafite hagati y'imyaka 16 na 25.
