Mbere y'uyu mukino,umwe mu bafana ba Athletic Bilbao yuriye ipoto ry'amashanyarazi aribyiniraho ndetse bamwe bafataga bagenzi babo bakabajugunya hejuru birengagije Covid-19.
Uyu mukino wa nyuma wa Copa del Rey wagombaga kuba mu mwaka ushize ariko kubera covid-19 wabaye nyuma y'amezi menshi.
Uyu mufana wuriye igiti cy'amashanyarazi,yageze hejuru arasimbuka abafana bari hasi baramuhunga ariko kubw'amahirwe ntiyavunika.
Umwe mu babonye iki kibazo yagize ati 'Ese abantu bo muri Espagne bakunze ibi bintu ?.'
Icyakora abandi bateruye bagenzi babo babajugunya mu kirere bakabafata bataragwa hasi.
Ibyishimo by'aba bafana byakomwe n'igitego cya Mikel Oyarzabal kuri penaliti mu gice cya kabiri bifasha Real Sociedad kwegukana iki gikombe cya 2020 cyabaye gitinze.
Bilbao imaze gutsindwa imikino 5 yose ya Copa del Rey iheruka gukina ariko yatwaye igikombe muri 1984.
Ikipe ya Bilbao yanageze ku mukino wa nyuma wa Copa del Rey wa 2021aho izahangana na FC Barcelona.
