Mu ijoro rishyira kuri uyu wa Kane tariki 01 Mata 2021, nibwo Ikipe y'igihugu y'u Rwanda Amavubi yasesekaye i Kigali aho ivuye muri Cameroon mu mikino yo gushaka itike yerecyeza muri CAN ariko ikaba itarahiriwe n' urugendo yakoze.
Kuri uyu wa Gatatu tariki ya 31 Werurwe 2021, , nibwo abakinnyi b'ikipe y'Igihugu, abatoza ndetse n'abandi bari bajyanye n'iyi kipe, baraye bahagurutse i Douala muri Cameroon .
Nyuma y'amasaha atanu, bahise bagera i Kigali aho bahise berecyeza i Nyamata kugira ngo bategereze ibisubizo by'ibizamini bya Covid-19 bafashwe bakigera ku kibuga k'indege cya Kanombe.
Iyi kipe y'igihugu y'u Rwanda Amavubi ntiyabashije kongera gukabya inzozi zo kubona itike y'igikombe cya Afurika Amavubi aherukamo muri 2004, ni nyuma yo kunganya na Cameroun ubusa ku busa, naho cap-Vert igatsinda Mozambique igitego 1-0.
Source : https://impanuro.rw/2021/04/01/amavubi-atarahiriwe-n-urugendo-yageze-i-kigali-amafoto/
