Amakuru y'uko uyu muhanzi yaba agura Viyuzi ku bihangano bye, bije nyuma y'indirimbo ye yise 'Waah' yakoranye n'icyamamare akaba n'umunyabigwi muri muzika y'Afurika, Koffi Olomide. Ni indirimbo imaze amezi 4 gusa ikaba imaze kurebwa n'abantu basaga Miliyoni zisaga 60 kuri shene ye ya Youtube.
Mu nkurun ya Ghafla, Diamond avuga ko niba abantu bibaza ko Views (Viyuzi) zigurwa, nabo bazigura atabarusha amafaranga. Yatangaje ko niba ibyo bintu bibaho we azi ko bitabaho. Yatanze urugero avuga ko hari uburyo buzwi nka Streaming, ni uburyo abantu bumvamo ibihangano by'umuhanzi banabihererekanya, aha akibaza uburyo wakwishyura n'abantu bakumva.
Yakomeje ku kintu kitwa Views avuga ko ari uburyo abantu bareba igihangano cy'umuntu kuri Youtube, aza no kuvuga ku kuba hari ibyo bita Gukura (Dawnloading), akemeza ko ibihangano bye biza imbere mu kubikura aho byashyizwe bigakurwa yo (Downloading) bakabitunga muri za Telefone, Mudasobwa n'ahandi, bityo ko utagura abantu bakora Downloading.
Yakomeje avuga ko abantu bakora cyane aho kuguma mu ntekererzo zidashoboka. Yanaboneyeho gutangaza ko yinjije amafaranga asaga Miliyoni 89 z'Amashilingi ya Tanzania ku ndirimbo ye Waah, aho yerekanye Amayero yinjiye angana n'ibihumbi 32,(32,266.07), ubwo ni asaga nibura Miliyoni 38 z'Amafaranga y'u Rwanda.
