Uyu mugabo wahamijwe ruswa y'akataraboneka ibarirwa mu ma miliyari menshi, yari yahamijwe ibi byaha n'urukiko rukuru rwa Kuala Lumpur rwari mwamuhanishije gufungwa imyaka 12 n'ihazabu ya Miliyoni 42 Euro.
Abayobozi baridwi bamusinjaga ibi byaha bya ruswa mu mushinga ukomeye muri kiriya gihugu cya Malaysia uzwi nka 1MDB (1Malaysia Development Berhad).
Najib Razak kuva yakatirwa n'urukiko rukuru rwa kiriya gihugu muri Nyakanga 2020, yari akiri hanze mu gihe hagitegerejwe umwanzuro w'Urukiko rw'ubujurire yajuririye kiriya gihano.
Uyu wahoze ari umuyobozi ukomeye muri Malaysia uhakana ibyaha byose ashinjwa, Urukiko Rukuru rwagaragarijwe ko konti z'uyu mugabo zagiyeho Miliyoni 8,4 Euro.
Uru rubanza rwo mu rukiko rukuru rwamaze amezi 11 rwasize ahamijwe biriya byaha ndetse akatirwa gufungwa imyaka 12 muri gereza.
Agiye kuburana ubujurire mu rukiko rw'Ubujurire rutangira kuri uyu wa Mbere tariki 05 Mata rukazageza tariki 22 Mata 2021.
UKWEZI.RW
