Umukino wa gicuti wahuje APR FC na Rutsiro FC warangiye ku ntsinzi ya APR FC y'igitego 1 ku busa bwa Rutsiro FC.
Ni umukino wo gufasha amakipe yombi kwitegura shampiyona y'icyiciro cya mbere izatangira tariki ya 1 Gicurasi 2021.
Uyu mukino wagombaga gutangira saa 15:00' kuri Stade Amahoro, waje gutangira saa 16:15'.
Amakuru ISIMBI yamenye ni uko gutinda gutangira k'uyu mukino byatewe n'uko ibisubizo by'ibipimo bya Coronavirus bitabonekeye igihe.
Gutinda kw'ibi bisubizo ahanini byatewe n'uko amakipe yatinze gupimwa.
Amakuru avuga ko ikipe ya Rutsiro FC yagombaga kurara i Kigali ariko ikaba yaje kuri uyu wa Kane, bahagera batinze bakarerwa kwipimisha n'ibisubizo bitinda kuboneka bikereza umukino.
Uyu mukino waje kuba urangira ku ntsinzi ya APR FC y'igitego 1 ku busa bwa Rutsiro FC, iki gitego cyatsinzwe na Ruboneka Bosco.
Source : http://isimbi.rw/siporo/article/mu-mukino-wakereweho-isaha-irenga-apr-fc-yatsinze-rutsiro-fc
