Amagana y'abakunzi b'aya makipe bari muri Portugal aho bagiye kureba umukino wa nyuma wa Champions League urahuza Manchester City na Chelsea.
Abafana b'amakipe yombi bakozanyijeho nyuma y'aho ba nyiri amaduka n'utubari bari bamaze gufunga kubera ingamba zo kwirinda Covid-19.
Aba bafana ntabwo bari bazi ko ubucuruzi bwose bufunga saa 10.30 z'ijoro ariyo mpamvu batangiye guteza akavuyo na polisi ije barayikubita.
Abantu benshi bagaragaye bari kuvirirana abandi bakomerekeye muri iyo mirwano yahuje aba bafana.
Amakuru aravuga ko aba bafana basakiraniye na polisi mu mujyi ubwo bari bagarutse ku mahoteli yabo kubera umukwabu.
Umwe mu bafana yagize ati 'N'akantu gato kabaye.abantu bamwe bashakaga ikindi cyo kunywa ariko n'abapolisi bari bakaniye bashaka gucyura abantu ngo basubire mu mahoteli yabo.
Nta kurwana kwabaye hagati y'abafana ba Chelsea na City.'
Polisi yavuze ko umuntu umwe yakomeretse cyane bituma ajyanwa ku bitaro bya Santo Antonio kuwa Kane.
Ubu bushyamirane bubaye mbere gato y'umukino wa nyuma( final)uri buhuze aya makipe ari guhatanira igikombe cy'amakipe yabaye aya mbere iwabo( Champions League), uri bubere kuri stade yitwa Estadio de Dragao muri Portugal.
Abafana 16.500 nibo bemerewe kujya muri iriya stade, abandi bakaza kuwukurikiranira mu ngo zabo kuko mu tubari ho bari bube bafunze bitarenze saa yine z'ijoro.
