Ku wa 31 Gicurasi 2021, Inama y'Abaminisitiri yemeje ko ibikorwa by'imikino y'amahirwe bizafungura mu byiciro. Gahunda y'uko bizafungurwa izatangazwa na Minisiteri y'Ubucuruzi n'Inganda nyuma yo kugenzura ko byubahirije ingamba zo kwirinda COVID19.
Inama y'Abaminisitiri yemeje kandi ko Gusaba no kwiyakira bijyanye n'ubukwe bisubukuwe,ariko ntibigomba kwitabirwa n'abarenze 30. Iyo byabereye muri hoteli, ahandi hantu hagenewe imyidagaduro cyangwa mu busitani, ntibigomba kurenza 30% by'ubushobozi bwo kwakira abantu bw'aho bateraniye. Bose bagomba kwipimisha COVID-19.
