Aba bakobwa barimo uwitwa Njeukam Loic Midrel azwi cyane ku mbuga nkoranyambaga nka Shakiro na mugenzi we Mouthe Roland uzwi nka Patricia.
Bari batawe muri yombi tariki 08 Gashyantare 2021 bashinjwa kuryamana kandi bahuje ibitsina, nyuma baza kurekurwa by'agateganyo.
Urubanza rwabo rwaje gutangira ndetse ruza gukurikiranwa cyane muri kiriya gihugu, biza kurangira kuri uyu wa Kabiri tariki 11 Gicurasi bahamijwe iki cyaha n'urukiko rwo mu Karere ka Bonanjo Douala.
Umunyamategeko wunganira aba bakobwa babiri witwa Alice Kom avuga ko Umucamanza yabigiriyeho nkana akabaha igihano kiremereye kandi ubwa mbere bari bakoze kiriya cyaha cyo kuryamana bahuje ibitsina. Akavuga ko bagie kujurira.
Yagize ati 'Tugiye kujuririra iki cyemezo mu rukiko rw'ubujurire kuko iki gihano gishobora kubangamira umutekano w'abasanzwe baryamana bahuje ibitsina.'
Imiryango irengera abaryamana bahuje ibitsina, yahagurutse ivuga ko ibi bidakwiye mu gihe Cameroon ari kimwe mu bihugu 33 bifata ibi bikorwa nk'ibyaha bihanirwa n'amategeko.
Umuryango uharanira Uburenganzira bwa Muntu Human Rights Watch uvuga ko Leta ya Cameroon kuva muri Gashyanate uyu mwaka yateye ubwoba ndetse ikanabangamira abantu 24 basanzwe baryamana bahuje ibitsina.
UKWEZI.RW
