Nyuma yo gutsindwa yandagajwe na Gasogi United ibitego 4-1, umuyobozi wa Musanze FC, Tuyishimire Placide yafashe umwanzuro wo kwirukana uwari umutoza mukuru w'iyi kipe, Seninga Innocent umukino utararangira.
Uyu munsi nibwo hatangiye imikino y'amakipe 8 ahatanira igikombe n'andi makipe 8 arwana no kutamanuka mu cyiciro cya kabiri.
Musanze FC iri mu cyiciro cy'amakipe arwana no kutamanuka mu cya kabiri, yari yasuye Gasogi United mu Bugesera.
Iyi kipe yaje kuhahurira n'uruva gusenya aho yahatsindiwe ibitego 4-1.
Musanze FC niyo yafunguye amazamu ku munota wa 19 igitego cyatsinzwe na Munyeshyaka Gilbert Lukaku , iki gitego cyaje kwishyurwa na yamini Salum ku munota wa 33 .
Gasogi United yabonye icya 2 ku munota wa 54 kuri penaliti yatewe na Kikoyo, hari mbere y'uko ku munota wa 58 uyu rutahizamu atsinda icya 3, igitego cyaje gihuhura byose ni icyo ku munota wa 67 cyatsinzwe na Bugingo Hakim ku ishoti rikomeye yatereye nko muri metero 35.
Aha niho perezida w'iyi kipe, Tuyishimire Placide yahise atangaza ko yirukanye uyu mutoza, umukino wari utararangira.
Yirukanywe nyuma yo kunanirwa kuza mu makipe 8 ahatanira igikombe, hakiyongeraho gutsindwa yandagajwe na Gasogi United.
Seninga Innocent amaze gusezererwa nyumabyo gutsindwa na @gasogiunited @FERWAFA pic.twitter.com/0uSv09yRLO
â€" Musanze fc (@musanzefc) May 23, 2021
Imikino y'amakipe ahatanira igikombe uko yagenze
APR FC 1-0 Espoir FC
AS KIgali 3-1 Rayon Sports
Amakipe arwana no kutamanuka
Gorilla FC 4-2 Etincelles
Gasogi United 4-1 Musanze FC
