Boris Johnson w'imyaka 56 yakoze ubukwe na Carrie Symonds w'imyaka 33 bari bamaze igihe babana, kuwa gatandatu taliki 29 Gicurasi 2021 basezeraniye muri Kiliziya ya Westminster Cathedral.
BBC yatangaje ko iby'ubu bukwe byamenyekanye nyuma yuko bitangiye guhwihwiswa mu binyamakuru bitandukanye byo mu bwongereza,ndetse n'abayobozi bamwe na bamwe bagiye bandika ubutumwa bwo kwishimira ubukwe bwe ku rubuga rwa Twitter.
Bivugwa ko ubu bukwe bwitabiriwe n'abantu batarenze 30 kubera ingamba zo kwirinda icyorezo cya covid-19.
Aba bombi urukundo rwabo rwatangiye kumenyekana mu mpera za 2018.mu 2020 bagaragaye bari kumwe imbere kuri televiziyo ,ndetse no muri Gashyantare 2020 nibwo Bolis yambitse impeta uyu mukobwa iteguza ko bazabana.
Bashyingiranwe nyuma y'umwaka n'ukwezi bibarutse umwana w'umuhungu ,witwa Wilfred.
Abakurikirana ibya hafi bya politiki yo m'Ubwongereza bemeza ko uyu mukobwa ari mu bantu b'ingenzi bafashije Boris Johnson mu buyobozi bwe.
Bolis Johnson si ubwa mbere akoze ubukwe kuko yigeze gutandukana n'abagore babiri.
Source : https://impanuro.rw/2021/05/30/minisitiri-wintebe-wubwongereza-yakoze-ubukwe/
