Uyu munyezamu wakoze ibishoboka byose kugira ngo afashe Real Madrid kugera ku mukino wa nyuma wa UEFA Champions League,yagowe n'abasore bato ba Chelsea basatiriye izamu rye kugeza bamutsinze ibitego 3 byose.
Umunyezamu Courtois wamaze imyaka 7 mu mujyi wa London mbere y'uko ayivamo akerekeza muri Real Madrid muri 2018.
Nyuma yo gusezererwa,Courtois yavuze ko azafana ikipe ya Chelsea ku mukino wa nyuma yahuye na Manchester City.
Yagize ati 'Nifuzaga gutsinda iri joro ariko ntibyakunze ariko nzaba ndi gufana Chelsea ku mukino wa nyuma.Mfite inshuti nyinshi n'abakinnyi twakinanye hariya.Ndabifuriza ibyiza gusa ku mukino wa nyuma.Nzaba ndi kubafana.'
Zinedine Zidane yemeje ko Chelsea yavuze ko ikipe ye yaruhijwe kuri uyu mukino yatsinzwemo 2-0 I Stamford Bridge.
Yagize ati "Bari bakwiye intsinzi. Twarwanye turanagerageza ariko bari bakwiye gutsinda bagakomeza".
"Abakinnyi bakinnye bari bameze neza byo gukina. Ntewe ishema n'abasore banjye: twaragerageje, twageze ahantu kure nk'aha - umukino umwe gusa ngo tugere ku mukino wa nyuma".
"Chelsea yakinnye umukino mwiza kandi yakomeje, rero tugomba kuvuga ko bakoze neza".
"Twari ducyeneye gukina neza kurushaho ngo dukomeze. Nta mahirwe agaragara y'igitego twagize, bo bayakoze [amahirwe] kandi uwo ni umupira w'amaguru. Ubu turaruhutse turi gutekereza kuri La Liga".
"Birumvikana ko tutishimye. Iyo utsinzwe umukino wa kimwe cya kabiri ntabwo wishima kandi ibyo birasanzwe. Biragoye kubyakira, ariko ejo [kuri uyu wa kane] tuzasubira ku kibuga mu myitozo twiteguye kongera gutangira".
Avuga ku ntsinzi y'ikipe ye, umutoza Tuchel yagize ati: "Iki ni ikintu gikomeye rwose, rero nshimishijwe cyane n'iyi myitwarire kandi nshimiye cyane iyi kipe".
"Iteka nzahora mbivuga, kuri jye Bayern Munich hamwe na Manchester City ni yo cyitegererezo kandi twashakaga gukuramo icyuho tukegera Manchester City".
Chelsea izakina na Manchester City y'umutoza Pep Guardiola ku itariki ya 29 y'uku kwezi kwa gatanu i Istanbul muri Turukiya.
