Kuri uyu wa 5 tariki 25 Kamena 2021 shampiyona y'icyiciro cya mbere iragera ku musozo ku makipe 8 ashaka igikombe cya shampiyona. Ni imikino igomba kubera isaha imwe kugira ngo bigende neza ku makipe 2 ashaka igikombe cya shampiyona yaba APR FC ndetse na As Kigali.
APR FC ni yo iri mu mwanya mwiza wo kwegukana igikombe cya shampiyona, aho iyoboye urutonde rwa shampiyona n'amanota 16 izigamye ibitego 14, irusha ibitego 4 As Kigali banganya amanota.
As Kigali niyo ihanganye na APR FCÂ
APR FC ntiratakaza umukino uyu mwaka aho yanganyije gusa na As Kigali banahanganiye igikombe. Ku munsi wa nyuma wa shampiyona, As Kigali izahura na Police FC, APR FC ihure na Rutsiro FC bazaba bakinnye bwa mbere mu mateka y'aya makipe mu mikino ya Shampiyona.
APR FC imaze gukina imikino 3 ya Gicuti na Rutsiro gusa yose irangira mu buryo bugoranye, kuko umukino wa mbere APR FC yatsinze Rutsiro igitego 1 ku busa, umukino wa 2 banganya 0-0 umukino wa 3 wabaye tariki 22 Mata ubera kuri sitade Amahoro i Remera, APR FC itsinda Rutsiro igitego 1 ku busa cyatsinzwe na Ruboneka Bosco ku munota wa 32.
APR FC ntakosaÂ
Bisengimana Justin si ubwa mbere yaba abangamiye APR FC kuko na 2019 yagize uruhare mu ibura ry'igikombe Kuri APR FC kuko yayitsinze ibitego 3-2 agitoza Sunrise FC. APR FC itakaje umukino wa Rutsiro FC cyangwa bakanganya, yabura igikombe cya Shampiyona, ndetse ikanabura itike ya CAF Champions League, n'agahigo ka Adil kagashyirwaho umutemeri baramutse batsinzwe.
Rutsiro iherutse kwisasira Rayon SportsÂ
APR FC vs Rutsiro FC ni umukino APR FC ihabwa amahirwe yo gutsinda ariko ushobora kugira umwaka imfabusa kuri iyi kipe mu gihe As Kigali yatsinda Police FC, APR FC ntibone amanota atatu.
