Riderman yifashishije konti ye ya Instagram mu gitondo cy'uyu wa Gatatu tariki 23 Kamena 2021, atangaza ko icyumweru kirenze yibarutse impanga n'umugore we.
Uyu muhanzi yatangiye ubutumwa bwe avuga ko mu buzima buri wese agira inzozi, ndetse akifuza 'kuzigeraho', ariko ko hari n'ibitangaza Imana 'idukorera bigasa n'inzozi dukabije nyamara tutarigeze tuzirota, ahubwo ari ubuntu bw'Imana burenze kwifuza kwacu.'
Riderman avuga ko tariki 13 Kamena 2021 yaryamye ari umubyeyi w'umwana umwe w'umuhungu, 'tariki 14 Kamena 2021 mbyuka ndi umubyeyi w'abana batatu."
Yavuze ko atari yarigeze nari rimwe arota ari umubyeyi w'impanga 'ariko Imana yangize we'. Riderman yavuze ko impanga ebyiri yibarutse n'umugore we ari 'abakobwa babiri beza kandi ndayishimira cyane'.
Yashimye umugore we Nadia, ashima abaganga, inshuti n'umuryango. Ati 'Ndabakunda.'
Agasaro Nadia wabaye Miss wa Kaminuza Mount Kenya University. Yarushinze na Riderman mu 2015. Ni nyuma y'uko bahuye mu 2012 bagakundana byeruye guhera mu 2014.
Imfura yabo y'umuhungu bayise Eltad wabonye izuba tariki 11 Ukuboza 2015. Ubu bakaba bamaze kwibaruka impanga z'abakobwa babiri.
Riderman na Agasaro bari mu byishimo byo kwibaruka impangaÂ
