-
- Inama yabaye hifashishijwe ikoranabuhanga
Yitwa Minisiteri y'Ubumwe bw'Abanyarwanda n'Inshingano Mboneragihugu, ikazajya yitwa Minisitry of National Unity and Civic Engagement mu rurimi rw'Icyongereza.
Mu nzego zari zisanzwe zifite inshingano zo kwita ku Bumwe, kubungabunga umurage w'amateka ndetse no gutoza uburere mboneragihugu, harimo Komisiyo y'Ubumwe n'Ubwiyunge(NURC), Ikigo cy'Igihugu gishinzwe Ingoro z'Umurage ndetse na Komisiyo ishinzwe Itorero ry'Igihugu.
Inama y'Abaminisitiri yafashe kandi umwanzuro wo gushyira Umujyi wa Kigali na tumwe mu turere muri gahunda ya ‘Guma mu Rugo' guhera ku wa Gatandatu tariki 17 Nyakanga 2021 kugera ku itariki 26 z'uku kwezi, ‘kubera ubwiyongere budasanzwe bwa Covid-19'.
Utwo turere ni Burera, Gicumbi, Kamonyi, Musanze, Nyagatare, Rubavu, Rwamagana na Rutsiro. Uturere dusigaye na two tuzakomeza kugendera ku mabwiriza yo kwirinda Covid-19 harimo kuba abantu bageze mu ngo saa kumi n'ebyiri z'umugoroba kugera saa kumi z'igitondo.
