Polisi y'u Rwanda yemeje ifatwa ry'ibi byamamare, ivuga ko bafashwe kuri uyu wa Kane tariki 29 Nyakanga 2021 ubwo bariho binezeza mu gihe ibirori bibujijwe muri ibi bihe.
Ibi byamamare birimo K8 Kavuyo utari uzwi ko ari mu Rwanda waje mu ibanga rikomeye, byafatiwe mu Murenge wa Boneza mu Karere ka Rutsiro.
Aba bahanzi batangaza ko bari baje mu bikorwa by'ubucuruzi mu gihe Polisi y'u Rwanda yo itangaza ko yabafashe barenze ku mabwiriza yo kwirinda ikwirakwira ry'icyorezo cya COVID-19 kuko bari mu busabane.
Umuvugizi wa Polisi mu Ntara y'Iburengerazuba, CIP Karekezi Bonaventure avuga ko bariya bantu barimo ibyamamare bafashwe bari mu nzu imwe ya Maison de Passage bari mu buriho banywa inzoga.
K8 Kavuyo wari uri mu Rwanda mu buryo bw'ibanda uyu munsi UKWEZI yari yatangaje amakuru y'uko uyu muhanzi yaje mu Rwanda ndetse ko yazanywe n'ibikorwa binyuranye birimo gukorana indirimbo na bamwe mu bahanzi bakomeye mu Rwanda ndetse no kuba yatangiza ishoramari mu Rwanda.
UKWEZI.RW
Source : http://www.ukwezi.rw/Imyidagaduro/article/K8-Kavuyo-King-James-na-Shaddyboo-bari-mu-maboko-ya-Polisi
