Ubwo hari ku itariki ya 18 Kamena 2021 nibwo umuhanzikazi Ariel Wayz ndetse na Juno Kizigenza bakoze amashusho y'indirimbo bise Away ishyirwa ku rubuga rwa Youtube rwa Ariel Wayz, kuva icyo gihe iyi ndirimbo ikaba yarakunzwe cyane bitumye mu minsi 23 gusa yujuje miliyoni imwe y'abamaze kuyireba.
Ni indirimbo yakunzwe n'ingeri nyinshi z'abakurikirana umuziki nyarwanda bitewe n'uko ubwo hashyizwe hanze integuza y'amashusho y'iyo ndirimbo yagaragaje ko hari umubano wihariye hagati y'aba bahanzi bombi.
Mu biganiro bitandukanye byagiye bihuza aba bahanzi ndetse n'abanyamakuru batandukanye ntibazuyaje kubazwa ko baba bakundana, mu kiganiro Umuhanzikazi Ariel Wayz yagiranye n'umunyamakuru Julius Chita ukorera Youtube ya Chita Magic yabajijwe ko haba yaba ari mu rukundo na Juno Kizigenza yirinda kugira byinshi abivugaho.
Gusa nubwo bagiye babihakana, Ku itariki ya 15 Kamena nibwo urukundo rwa barenze aho bari basohokanye nk'abantu bakundana urukundo rurabaganza bagagara bari gusomanira ku karubanda , ntibyarangiye aho kuko bongeye kandi kugaragara mumodoka bari gusomana bafite nibirahure by'icyo kunywa.
Kuba iyi ndirimbo igejeje miliyoni 1 y'abamaze kureba iyi ndirimbo mu gihe gito, hari amakuru avuga ko aba bahanzi bari babwiwe ko mu gihe iyi ndirimbo yarebwa n'abantu bagera kuri miliyoni imwe mbere y'ukwezi ngo bazahita bakorerwa indi ndirimbo ku buntu.
Reba hano amashusho y'indirimbo Away ya Ariel Wayz na Juno Kizigenza:
Â
The post Mu minsi 23 gusa, Amashusho y'indirimbo 'Away 'ya Ariel Wayz na Juno Kizigenza yujuje Miliyoni y'abamaze kuyireba kuri Youtube appeared first on RUSHYASHYA.
