Igikombe cy'uburayi cyari kimaze igihe kigera ku kwezi kibera mu mijyi igera kuri 12 itandukanye kigeze ku iherezo Ubutariyani bwegukanye igikombe cyabwo cya kabiri kuko baherukaga igikombe nk'iki mu 1968.
Ku munota wa 2 Ubwongereza bwari bumaze gufungura amazamu ku gitego cyatsinzwe na Luke Shaw igice cya mbere kirangira ari igitego kirangira ku busa.
Mu gice cya kabiri ku munota wa 66 Bonucci yaje kwishyura igitego ku mupira wari uturutse muri Koroneri, iminota 90 irangira ari igitego kimwe kuri kimwe.
Hongewe ho iminota 30 nayo rubura gica, hitabazwa penariti. Ku ruhande rw'Ubutaliyani Berardi, Bonucci, Bernardeschi bazinjije, Belotti na Jorginho barazihusha.Â
Ku ruhande rw'u Bwongereza Harry Kane, Maguire, nibo bazinjije, Rashford, Saka na Sacho barazihusha. Ubutariyani bwegukanye igikombe kuri sitade Wembley ubwongereza bwari bwakiriyeho.
