Ikinyamakuru Igihe dukesha aya makuru, kivuga ko hari uwagihaye amakuru ko Mico The Best atanyuzwe n'amafoto yafashwe ku munsi w'ubukwe kuko yasaga nabi.
Uwatanze amakuru, avuga ko ibi byatumye Mico The Best n'umugore we Ngwinundebe Clarissa bafata imyenda y'abageni, ubundi bakora kuri gafotozi bajya kwifoza andi mafoto.
Yagize ati 'Byatumye ubwo yari agiye mu kwa buki yakoreye muri Serena Hotel y'i Rubavu, yarahisemo kongera kwifotozanya n'umugore we bambaye imyenda y'abageni.'
Yaba Mico The Best ndetse n'umufasha we Ngwinudebe Clarisse bongeye gusangiza ababakurikira ku mbuga Nkoranyambaga amafoto y'ubukwe bwabo ariko bigaragara ko atandukanye n'ayafatiwe mu biro nyirizina byabaye tariki 26 Nzeri 2021.
Ubukwe bwa Mico bwari bwatashywe n'ibyamamare bitandukanye mu Rwanda birimo abakinnyi ba Film nka Ndimbati ukomeje kwamamara ndetse n'uzwi nka Nick muri City Maid wari uri no mu bamwambariye.
UKWEZI.RW
