Ku mugoroba wo kuri uyu wa Gatanu tariki ya 08 Ukwakira, ni bwo byamenyekanye ko Kiyovu Sports yamaze gusinyisha rutahizamu akanaba kapiteni wa Uganda Cranes, Emmanuel Okwi amasezerano y'umwaka umwe.
Emmanuel Okwi wakiniye amakipe atandukanye yo mu karere arimo Simba SC, Yanga Africans na Villa SC, akaba kandi yarakiniye Étoile du Sahel yo muri Tunisia, yaherukaga gutandukana na Al Ittihad yo mu Misiri yari amazemo imyaka ibiri.
Kiyovu Sport yasinyishije uyu rutahizamu w'imyaka 28 y'amavuko, nyuma yo gusinyisha abakinnyi batandukanye barimo Fiston Nkinzingabo, Ishimwe Kevin n'umutoza Haringingo Francis, aho ifite intego y'igikombe cya shampiyona uyu mwaka, iheruka mu 1993.
Â
Emmanuel Okwi yasinyiye Kiyovu Sport amasezerano y'umwaka umwe