Gasana Darlène Edna, yabaye Miss Congeniality muri Miss Rwanda 2015 ndetse akaba yaranambitswe ikamba rya Nyampinga wa Kaminuza y'u Rwanda mu ishami ryigisha iby'ubukungu n'ubucuruzi, CBE, yahoze yitwa SFB. Tariki 04/04/2021 ni bwo yasabwe n'umukunzi we Christian kuzamubera umugore, nuko uyu mukobwa ntiyazuyaza ahita avuga YEGO. Kuva uwo munsi, imyiteguro y'ubukwe yahise itangira, maze kuwa 03 Ukwakira 2021 Miss Gasana akorerwa ibirori byo gusezera urungano.
Kuri ubu amakuru mashya kuri iyi 'Couple' ni uko bamaze gusezerana imbere y'amategeko mu muhango wabaye tariki 30 Ukwakira 2021 nk'uko amakuru yizewe agera ku InyaRwanda.com abihamya. Miss Darlene yari aberewe cyane muri 'Style' Nyafurika. Amafoto menshi bifotoje nyuma yo gusezerana, agaragaza Miss Darlene arebana akana ko mu jisho n'umukunzi we, ubona buri umwe afitiye undi ubwuzu.
Miss Darlene yemeye kuba umugore wa Christian mu buryo bwemewe n'amategeko
Gasana Edna Darlène yari mu bakobwa bahataniye ikamba rya Miss Rwanda 2015 ryegukanywe na Miss Kundwa Doriane, ariko nawe yari mu bakobwa bahabwaga amahirwe muri aya marushanwa ndetse yanegukanye ikamba ry'umukobwa w'intangarugero mu mibanire n'abandi (Miss Congeniality). Nyuma y'iryo rushanwa yahise yitabira irushanwa rya Miss CBE, ndetse aza kuryegukana.
Mu kiganiro Miss Gasana Darlene aherutse kugirana na InyaRwanda.com yadutangarije ko umusore wamwambitse impeta bamaze imyaka 8 bakundana. Urukundo rw'aba bombi ntirwamenyekanye mu itangazamakuru kabone n'ubwo bamaranye igihe kingana gutya. Biteganyijwe ko Miss Darlene na Christian bazasezerana imbere y'Imana mu muhango uzaba tariki 26 Ugushyingo 2021 nk'uko bigaragara ku mpapuro z'ubutumire.
Christian yemeye kuba umugabo wa Miss Darlene mu buryo bwemewe n'amategeko
Miss Darlene mu birori yakorewe mu gihe gishize byo gusezera urungano
Darlene na Christian barebana akana ko mu jisho
"Reka ngutokore mukunzi!"
Buri umwe atindiwe n'itariki y'ubukwe maze bakibanira ubuziraherezo
Darlene akunda kwambara nk'umunyafurikakazi kandi biramubera
Ijuru rito! Ibyishimo byari byose kuri Darlene na Christian nyuma yo gusezerana mu Murenge
Miss Darlene yarushinze n'umusore wanyuze umutima we
Christian umusore wegukanye umutima wa Miss Darlene
Imiryango yari yagiye gushyigikira Darlene na Christian
AMAFOTO Y'UKO BYARI BIMEZE UBWO DARLENE YAMBIKWAGA IMPETA
Bagiye kurushinga nyuma y'imyaka 8 bamaze bari mu munyenga w'urukundo
Miss Darlene n'umukunzi we Christian bagiye kurushinga
AMAFOTO: Shane Costt - Afrifame Pictures
