Uyu mugabo waburanishijwe kuri uyu wa Kabiri tariki 02 Ugushyingo 2021 mu cyumba cya ruriya rukiko Rwisumbuye rwa Huye, akurikiranyweho kiriya cyaha yakoze mu cyumweru gishize tariki 28 Ukwakira 2021.
Uyu mugabo akekwaho gukubira nyina kuri iriya tariki aho byabereye mu Mudugudu wa Ndogo, Akagari ka Bugali, Umurenge wa Ntyazo mu Karere ka Nyanza.
Ubushinjacyaha buvuga ko uriya mugabo yakubise nyina inkoni nyinshi mu bice bitandukanye by'umubiri agakizwa n'abaje bahuruye ubwo yari atashye.
Mu iburanisha, uregwa yaburanye yemera icyaha, avuga ko yabitewe n'ubusinzi no kuba nyina yaramwimye umurima, abisabira imbabazi .
Urubanza rwapfundikiwe ruzasomwa tariki ya 08 Ugushyingo 2021 i saa cyenda z'amanywa.
Ubushinjacyaha bwamusabiye igifungo cy'imyaka 07 n'ihazabu ya miliyoni 2 Frw hashingiwe ku ngingo ya 121 y'Itegeko nº 68/2018 ryo ku wa 30/08/2018 riteganya ibyaha n'ibihano muri rusange
UKWEZI.RW
