Rutahizamu w'ikipe y'igihugu y'u Rwanda ukina muri Botswana mu ikipe ya Township Rollers, Iradukunda Jean Bertrand agomba kubagwa imvune yo mu ivi yagize.
Mu Kwakira 2021 nibwo uyu rutahizamu ukina usatira anyuze ku ruhande yerekeje muri iki gihugu aho yasinyiye iyi kipe amasezerano y'imyaka 2.
Uyu musore wari wagize intangiriro nziza muri iyi kipe yahise agira imvune yo mu ivi ry'iburyo.
Uyu mukinnyi aheruka gukina umukino ikipe ya Township Rollers yatsinzemo BDF XI 2-0 tariki ya 10 Ugushyingo 2021, akaba yarinjiye mu kibuga asimbura.
Nyuma nibwo yagize iyi mvune ndetse akaba yabwiye ISIMBI ko agomba kubagwa iyi mvune yo mu ivi mu minsi iri imbere ariko akaba ataramenya umunsi.
Source : http://isimbi.rw/siporo/article/rutahizamu-w-amavubi-ukina-muri-botswana-agomba-kubagwa
