Umutoza wa Police FC yavuze intego bafite muri shampiyona #rwanda #RwOT

Frank Nuttall, umwongereza utoza ikipe ya Police FC, avuga ko intego bafite mu mwaka w'imikino wa 2021-22 ari ukwegukana igikombe cya shampiyona.

Umuntu yavuga ko iyi kipe y'abashinzwe umutekano mu gihugu itatangiye neza shampiyona kuko nyuma yo gutsinda Etoile del'Est 3-0, yaraye itsinzwe na Espoir FC 2-0.

N'ubwo yabonye uyu musaruro benshi bahamya ko atari mwiza, umutoza Frank Nuttall ahamya ko intego ari ukwegukana igikombe cya shampiyona.

Ati 'Intego yacu muri shampiyona ni nk'iz'andi makipe muri muri shampiyona, ni ukugerageza gutwara igikombe cya shampiyona.'

Police FC ni imwe mu makipe ahabwa amahirwe ku gikombe cya shampiyona bigendanye n'uko iyi kipe yiyubatse kuko yazanye amazina akomeye, arimo Hakizimana Muhadjiri, Nsabimana Eric Zidane, Bakame, Danny Usengimana n'andi bakaba biyongera ku bari bahasanzwe nka Savio, Rutanga, Martin Fabrice...

Frank Nuttall(iburyo) avuga ko icyo ahanganiye muri shampiyona ari igikombe

Ntabwo Police FC yahiriwe n'umunsi wa 2

Source : http://isimbi.rw/siporo/article/umutoza-wa-police-fc-yavuze-intego-bafite-muri-shampiyona