Abafashwe barimo abagiye mu bikorwa by'imyidagaduro itemewe, abatambaye agapfukamunwa ndetse n'abandi barenze ku mabwiriza yashyizweho mu kwirinda ikwirakwira rya Covid-19.
Usibye mu Ntara y'Amajyaruguru abantu barenga 4600 bafashwe batubahirije amabwiriza yo kwirinda Covid-19.
Umuvugizi wa Polisi, CP John Bosco Kabera, mu kiganiro na RBA, yavuze ko ku munsi wa Noheli, mu gihugu hose hagaragaye abantu 4,600 barenze ku mabwiriza yo kwirinda ikwirakwira rya COVID-19.
Yagize ati 'Bariya bantu barenga 4,600 mu gihugu, hose bafatiwe mu makosa atandukanye nko kutambara agapfukamunwa, abafunguye utubari batabifitiye uburenganzira n'abacuruzaga inzoga mu masaha atemewe ya nijoro. Hanagaragaye abantu bakoresheje ibirori bitubahirije amabwiriza.'
Inzego z'ubuzima yigira abantu inama yo kwambara neza agapfukamunwa igihe cyose bagiye ahahurira abantu, gukaraba intoki n'amazi meza n'isabune cyangwa bagakoresha umuti wica udukoko wabugenewe.
Abantu kandi bagirwa inama yo guhana intera byibuze ya metero, kwirinda gukora ingendo zitari ngombwa n'ibindi bikorwa bihuriza abantu hamwe.
