Uyu muganda w'Ikigo Nderabuzima giherereye mu Kagari ka Rusasa mu Murenge wa Ngororero mu Karere ka Ngororero, ejo yiriw ari muzima ndetse ntakibazo afite.
Umunyamabanga Nshingwabikorwa w'Umurenge wa Ngororero, Daniel Mugisha yabwiye RADIOTV10 dukesha aya makuru ko urupfu ry'uyu muganga rwamenyekanye mu gitondo cyo kuri uyu wa Mbere.
Daniel Mugisha yavuze ko ubuyobozi bwaramukiye aho uyu muganga yari acumbitse, yavuze ko yaba Urwego rw'Igihugu rw'Ubugenzacyaha RIB ndetse na Polisi y'u Rwanda baharamukiye.
Ati 'Baciye ingufuri baca n'urugi twinjiramo dusanga ari uko bimeze.'
Avuga ko muri iyi nzu y'icyumba kimwe n'uruganiriro, basanze muri salon hari Imbabura bigaragara ko yari atetse ifunguro ryo kurarira.
Ati 'Yari yikingiranyemo imbere, muri salon hari imbabura bigaragara ko yari atetseho, inzego zamaze kuhagera.'
Nubwo Urwego rw'Igihugu rw'Ubugenzacyaha RIB rwahise rutangira iperereza kugira ngo hamenyekan icyahitanye nyakwigendera, harakekwa ko yazize kubura umwuka bitewe n'imbabura y'amakara yari atetseho.
