Mu gitondo cyo kuri uyu wa Mbere tariki ya 14 Gashyantare 2022, ni bwo inkuru y'incamugongo yasakaye ko Baziki Jean Pierre wari Kit Manager w'ikipe y'igihugu Amavubi yitabye Imana azize uburwayi.
Baziki yari amaze imyaka irenga 8 akorera ikipe y'igihugu Amavubi, gusa urugendo rwe ku Isi rukaba rwarangiye mu gitondo cyo kuri uyu wa Mbere mu bitaro bya CHUK yari arwariye.Ntabwo uburwayi bwahitanye Baziki bwatangajwe, gusa icyavuzwe ni uko yazize uburwayi.
Imana imuhe iruhuko ridashira kandi ikomeze umuryango we n'umuryango mugari w'abasportif mu Rwanda kuko babuze umuntu w'ingenzi.
