Mu kwezi gushize, uyu mukinnyi ukomeye wa Manchester United yagaragaje uburakari ku mukino wa Brentford ndetse kuri ubu ntari mu bihe byiza kuko imikino ibaye 5 atazi uko igitego gisa.
Uyu mukinnyi yaraye yongeye kugaragaza umujinya ubwo yinjiraga mu rwambariro yiruka cyane nyuma y'aho United inganyije na Burnley igitego 1-1 mu ijoro ryakeye.
Yajugunye hasi akantu yari yiziritse ku kuboko yirukira mu rwambariro mu gihe bagenzi be bagumye inyuma kugirango bashimire abafana babaherekeje ku kibuga Turf Moor.
Uyu mukinnyi ukomoka mu gihugu cya Portugai ubu amaze imikino itanu nta gitego - kuko aheruka gutsinda mu mukino United yatsinzemo iyi Bunley ibitego 3-1.
Mu ijoro ryakeye yabanje ku ntebe y'abasimbura yinjizwa mu kibuga hasigaye iminota 20 ngo umukino urangire.
Rangnick yahisemo kubanza mu kibuga Edinson Cavani mu mwanya we, ariko ikipe ye yatakaje umwanya mu rugamba rwo gushaka itike ya Champions League nyuma yiminsi mike uyu mutoza w'agateganyo anenze abakinnyi ba United batakaje amahirwe menshi mu ijoro ryo kuwa gatanu ushize batsindwa na Middlesbrough.
Rangnick yatangarije BT Sport ati: "Byari 1-0 mu gice cya mbere, twari tuzi ko baza mu gice cya kabiri bakomeye kandi ikintu kimwe nshobora kunenga ikipe ni uko tutahanganye bihagije mu minota 20 ya mbere y'igice cya kabiri.
Ubu CR7 ari mu bihe bibi byo kubura ibitego mu ikipe akinira kuva muri 2010.
Icyo gihe yananiwe gutsinda igitego mu mikino ya nyuma ya shampiyona ya 2009-10 muri Real Madrid.Yaje no kunanirwa gutsinda mu mikino itatu ya mbere y'umwaka w'imikino 2010-11.
Ronaldo amaze gutsinda ibitego bitandatu mu mikino 18 amaze gukina muri shampiyona, nubwo yatsinze ibitego 2 Newcastle na Arsenal.
Muri Champions League ahagaze neza cyane kuko yatsinze ibitego bitandatu mu mikino itanu yo mu matsinda.Muri 2022,Cristiano Ronaldo amaze gukina imikino 5 aho nta gitego aratsinda cyangwa ngo atange umupira ubyara igitego.
