AS Kigali ikomeje imyitozo yitegura imikino yo kwishyura ya shampiyona, ni imyitozo itagaragayemo bamwe mu bakinnyi b'iyi kipe barimo Seif na Sugira.
AS Kigali izatangira yakira Espoir FC ku munsi wo ku Cyumweru tariki ya 12 Gashyantare 2022, ni umukino uzabera kuri Stade Regional i Nyamirambo.
Muri iyi myitozo irimo gukoreshwa n'umutoza mukuru w'iyi kipe, Mike Mutebi irimo abakinnyi Kalisa Jamir uheruka gusinyira iyi kipe.
Hari abakinnyi batakoze imyitozo yo kuri uyu wa Gatanu ndetse banamaze iminsi badakora barimo Biramahire Abeddy, Niyonzima Olivier Seif ndetse na Sugira Ernest.
Aba bakinnyi bakaba bose bafite ibibazo by'imvune ndetse amakuru akaba avuga ko batazakina umukino wa shampiyona wo ku Cyumweru.
Undi mukinnyi utakoze imyitozo ni Kakule Mugheni Fabrice ariko akaba adafite ikibazo gikomeye, yari afite ikibazo cy'urukingo rwamuguye nabi ariko byitezwe ko ejo azakorana n'abandi kuko uyu munsi yikoranye wenyine (azenguruka ikibuga).
