Muri leta ya Tennessee umugabo arashinjwa kwica Umugore we ndetse n'uruhinja rwabo rwari rumaze iminsi 2 ruvutse, maze akarujugunya mu mugezi wa Mississippi.
Uyu mugabo WItwa Brandon Isabelle wimyaka 25 yatawe muri yombi kuwa gatatu muri Leta ya Tennessee, Aho yari amaze kwivugana Umugore we Daniella Hoyle Wimyaka 27 ndetse akica n'uruhinja bari bamaze iminsi 2 barwibarutse.
Police ivugako mu gicuku cyo kuwa 2 babonye imodoka kumuhanda ihagaze, barebamo bagasanga harimo Umugore wapfuye arashwe. Mu makuru police yashatse yagaragaye ko uyu mugore Ari Daniella.
Umuryango wa Daniella ukibimenya wabwiye police ko Daniella yari kumwe numwana witwa Kennedy Hoyle yari amaze iminsi 2 yibarutse.
Police mu iperereza yakoze yaje gushyira umugabo wa Daniella ariwe Isabelle mu majwi yabakekwa. Isabelle yatawe muri yombi ngo ahatwe ibibazo ku byaha yaba akekwaho.
Isabelle imbere ya Police yemeyeko ariwe wishe Daniella Nyuma yabyo agakura Umwana mu modoka akagenda akamuroha mu mugezi, gusa nta mpamvu nimwe yatumye ahitana Umugore ndetse numwana we yigeze atangariza police.
Source : https://yegob.rw/umugabo-arashinjwa-kwica-umugore-we-ndetse-nuruhinja-rwabo-akarujugunya-mu-mugezi/
