Itsinda Charly na Nina basusurikije abari bitabiriye igitaramo Comedy Store karahava. Iki gitaramo gitegurwa n'Umunyarwenya Alex Muhangi cyabaye kuri uyu wa 16 Werurwe 2022 muri Kampala.
Charly na Nina baririmbye indirimbo zitandukanye bakoze kuva batangira umuziki kugera ku yo baherutse gushyira hanze Lavender.
Bageze ku ndirimbo Owooma, Geosteady bayikoranye yabasanze ku rubyiniro abafasha kuyiririmba.
Iki gitaramo kitabiriwe n'abantu benshi biganjemo abanyarwanda bari bakumbuye gutaramirwa n'abahanzi bo mu Rwanda.
Hari hashize imyaka itatu nta muhanzi w'umunyarwanda ujya gutaramira muri Uganda bitewe n'ikibazo cy'imibanire y'ibi bihugu.
Charly na Nina nibo bahanzi ba mbere bo mu Rwanda bataramiye muri Uganda nyuma y'imishyikirano hagati y'ibihugu byombi igamije kuzahura imibanire.
Â
Â
Source : https://yegob.rw/charly-na-nina-bataramiye-abitabiriye-comedy-style-karahava/
