Mu kiganiro na Ukwezi TV ,Dr Rusa yavuze ko kuba Perezida Kagame aherutse kugabira inka z'inyambo Umuhungu wa Museveni ,Lt Gen Muhoozi ari ibintu by'abavandimwe kuko ibintu b'u Rwanda na Uganda bigoranye kugirango bitandukane.
Ati'' Baziranye kuri byinshi , bafatanyije byinshi''.Akomeza avuga ko abavandimwe basanzwe bagira icyo bapfa ariko bataba abanzi ubuziraherezo ngo keretse iyo hari umuntu wo hanze ubyivanzemo'.
Dr Rusa akomeza avuga ko ibihugu by'abavandimwe bigomba kumvikana bidatanze abagabo ari nayo mpamvu ubuhuza bwageragejwe hagati y'u Rwanda na Uganda butigeze bugira icyo butanga kuko aba bahuzaga babaga bazi neza ko ari abavandimwe ndetse ngo hari n'abigeze kuvuga ko ari agakino barimo ntacyo bapfa.
Ngo bimwe bavuga ko muri Potiki na Nshuti cyangwa umwanzi ubamo ari imvugo y'abagashakabuhake ati'' Ntabwo wakwanga umuvandimwe wawe ngo wumve wamwica ,wice n'abana be, ibyo biragoye, wagira icyo umwima ukamugirira ishyari''
Avuga ko ibi bigera igihe bigashyira aho abantu bicara hamwe bakaganira bagakemura ikibazo kuko baba bafite ibihe byiza bagiranye bitibagirana kuko hari n'igihe ibyo bapfa biba bitarabaturutseho wenda byaravuye nko ku makuru runaka cyangwa undi muntu wabitambitse.
Ashimangira ko Umubano w'u Rwanda na Uganda wamushimisha cyane abarwanya u Rwanda bari muri kiriya gihugu kinagiye cyangwa se bo ubwabo bakibwiriza kuko ba bashakabuhake icyo bashaka ni uko Afrika yokomeza kuryana ntigire ubumwe.
Agaruka ku bikorwa bya Lt Gen Muhoozi , Dr Rusa avuga ko ko iyi Dimopamasi y ariyo yari ikwiye muri Afurika kuko umuryango ufite ikintu umaze cyane , ati''ibintu dufite byagira akamaro kurusha ibintu ukopeye kuko bidahura n'umuco wawe''
Kuva kuri uyu wa 14 Werurwe 2022, Lt Gen Muhoozi Kainerugaba yari mu ruzinduko rw'akazi mu Rwanda aho amaze gusura ibikorwa bitandukanye mu Rwanda birimo , Kigali Arena n'urwibutso rwa Jenoside yakorewe abatutsi rwa Kigali.
Nkuko bigaragara ku rukuta rwa Twitter rw'ibiro by'umukuru w'igihugu, Nyuma yo gutemebereza iyi mfura ya Perezida Museveni mu rwuri, Perezida Kagame yamugabiye inka zo mu bwoko nbw'inyambo.
Mu masaha ya mbere ya saa sita ku wa Gatatu , tariki 16 Werurwe 2022, nibwo Lt Gen Muhoozi yaherekejwe ku kibuga cy'indege agezwa ku ndege ye yihariye yajemo nyuma y'uruzinduko rwe mu Rwanda.
Nk'uko Guverinoma y'u Rwanda yabitangaje bifashishije Twitter, bemeje ko yashoje uruzinduko rwe rw'iminsi itatu mu Rwanda.
Kuba Perezida Kagame yaragabiye inka Gen Muhoozi hari icyo bivuze|Abayobozi bacu baraziranye|Dr Rusa
