Urupfu rwa Lee rwemejwe na Sergiy Tomilenko, uyobora ishyirahamwe ry'abanyamakuru muri Ukraine, ndetse n'iserukiramuco mpuzamahanga rya firime rya Odessa.
Anastasia Kasilova na we ukina filime yemeje aya makuru agira ati "Pasha Lee yishwe n'igisasu cyaturikiye muri Irpen. Yari umukinnyi, umunyamakuru kuri TV, mugenzi wanjye ndetse n'inshuti nziza.''
Uyu mukinnyi yari yinjiye mu gisirikare cya Ukraine gishinzwe kurinda umujyi wa Irpen mu ntangiriro z'icyumweru gishize, aho kimwe na bagenzi be bambariye kurinda ubusugire bwa Ukraine.
Pasha Lee wari ufite imyaka 33 y'amavuko, yagiye yumvikana ashishikariza abasore bo muri Ukraine kurwanirira igihugu cyabo ndetse akanatanga ubutumwa bw'ihumure ku mbuga nkoranyambaga.
Lee yari yanditse ku rubuga rwa Instagram ati "Turamwenyura kuko tuzabikemura byose."
Aha yagize ati ''Ndagukunda (Ukraine)''
