Gisagara VC yari ihagarariye u Rwanda mu mikino y'igikombe cy'Afurika ya Volleyball kiri kubera muri Tunisia gihuza amakipe yabaye aya mbere iwayo, yatahanye umwanya wa 3 nyuma gutsinda Port de Douala amaseti 3-1 ni mu gihe umukino wa nyuma uri buhuze Esperence du Tunis na Al Ahly.
Iyi kipe mu karere ka Gisagara yazamutse mu itsinda ari iya mbere maze mu mukino wa 1/4 wabaye ku wa Gatandatu itsinda Club de Kalibia amaseti 3-2 (29-27, 22-25, 16-25, 25-23, 15-12).
Yahise ikatisha itike ya 1/2 aho yaraye ihuye Esperence du Tunis maze ibatsinda amaseti 3-0 (25-21, 25-14 na 25-20).
Ikaba yahise ijya mu cyiciro cyo guhatanira umwanya wa 3 aho uyu munsi yahuye inatsinda Port de Douala yo muri Cameroun amaseti 3-1.
Gisagara VC yatangiye nabi itsindwa iseti ya mbere ku manota 25-18. Yagarutse yariye karungu maze itsinda andi maseti yose yakurikiyeho, umukino urangira ari amaseti 3-1 (18-25, 25-23, 25-18, 25-18).
Source : http://isimbi.rw/siporo/article/gisagara-vc-yitwaye-neza-muri-tunisia
