Umutoza Thomas Tuchel avuga ko Chelsea idafite "amahirwe" yo gutwara shampiyona yUbwongereza idafite abakinnyi benshi bakomeye nka Raheem Sterling.
Uyu mukinnyi ukomoka mu Bwongereza amaherezo yashyize izina rye ku rutonde rw'abanyuze muri Chelsea muri iki cyumweru ubwo yayisinyiraga.
Chelsea iravugwamo abakinnyi beinshi baturutse hirya no hino mu burayi mu gihe ishaka kongera imbaraga imbere no mu bwugarizi.
Ibihano yafatiwe ikiri iya Roman Abramovich byasize The Blues habi,ariyo mpamvu yagiye ku isoko gushaka amaraso mashya.
Tuchel yavuze ko ashaka gusinyisha abakinnyi bakomeye kugira ngo abashe guhangana na Manchester City na Liverpool.
Yatangarije Sky Sports ati: "ibikenewe ni byinshi kandi ntabwo duhanganye gusa n'amakipe meza akina muri Premier League ahubwo tunahanganye n'abatoza beza.
Tuvuye mu bihano, tuvuye mu gutakaza abakinnyi bo ku rwego rwo hejuru, abakinnyi bakomeye, turi ikipe iri mu mpinduka, mu gihe cyo guhindura nyirayo, twari inyuma mu rugamba rwo kugura abakinnyi kandi twari inyuma ku meza. Dufite ibintu byo kuzamura.
"Gusinya kwa Raheem byerekana icyo dushoboye gukora, byerekana icyifuzo cy'ikipe ndetse na nyirayo kandi ni byiza kuko twese turi hano gutsinda no guhatana.
"Dukunda guhatana kandi dukunda abakeba bari hejuru cyane. Kubw'ibyo dukeneye gusinyisha abakinnyi bashya beza cyangwa bitabaye ibyo tukabura mahirwe."
Iyi kipe yo mu Burengerazuba bwa London yabuze abakinnyi bakomeye barimo Antonio Rudiger werekeza muri Real Madrid.
