Rutahizamu wa Paris Saint-Germain, Kylian Mbappé, yatangaje ko kapiteni wa Real Madrid, Karim Benzema ariwe mukinnyi ufite amahirwe menshi yo gutsindira Ballon d'or 2022.
Mbappé atekereza ko Benzema akwiye gutwara Ballon d'or nyuma yo gufasha Real Madrid gutwara igikombe cya Champions League uyu mwaka.
Benzema w'imyaka 34, yagaragaje ko ari umunyabigwi w'ukuri wa Real Madrid mu myaka ishize kubera ibitego yayitsindiye n'ibitego yayihesheje.
Benzema, hamwe na Mbappé, bashyizwe ku rutonde rw'abakinnyi 30 bahatanira Ballon d'Or y'uyu mwaka rwashyizwe ahagaragara ku wa gatanu.
Kuri uyu wa gatandatu, Kylian Mbappé ari mu kiganiro na France Football, mu muhango wo gutangaza ku mugaragaro abahatanira Ballon d'or. By'umwihariko yatanze abakinnyi 3 bakwiriye kuvamo utwara iki gihembo muri uyu mwaka wa 2022.
Ati: 'Batatu banjye ba mbere? Navuga Benzema, njye ubwanjye, na Mané. Navuga ko uyu mwaka ari intsinzi kuri Benzema.
Afite imyaka 34, yagize umwaka mwiza cyane mu buzima bwe, yegukanye ikindi gikombe cya Champions League kandi akenshi itanga amahirwe."
Yongeyeho ati: 'Ndi Karim,ndatsinze uyu mwaka, nareka gutekereza kuri Ballon d'or ubuziraherezo. Ndashaka gutsinda Ballon d'or vuba aha. Kimwe na benshi. Usibye ko ahari hari benshi badatinyuka kubyemera. Ndacyizera neza ko igikomeye ari ugutwara iya mbere.
Umwaka ushize, Lionel Messi mugenzi wa Mbappe muri Paris Saint Germain niwe watwaye iki gihembo atsinze Robert Lewandowski na Jorginho.
Ariko, ayo mazina uko ari atatu yasigaye muri batatu ba mbere ubushize nta n'umwe wabonetse mu bo Mbappe aha amahirwe uyu mwaka.
