Nyuma y'uko tariki 24 Nzeri 2022 imbogo ebyiri zitorotse Pariki zigatera abaturiye Pariki y'Ibirunga, by'umwihariko abo mu Murenge wa Shingiro mu Karere ka Musanze, Semivumbi Felicien w'imyaka 70 zakomerekeje, yitabye Imana nyuma yo kugezwa mu bitaro bya CHUK.
Ku munsi w'ejo tariki ya 24 Nzeri 2022,nibwo izi mbogo 2 zavuye muri pariki zikomeretsa uyu musaza ajyanwa mu bitaro.
Izi mbogo zahise ziraswa mu gihe uwo zahitanye yahise ajyanwa mu bitaro bikuru bya Ruhengeri nyuma yoherezwa CHUK.
Abagize Umuryango wa nyakwigendera babuze ubufasha bwo kuvana umurambo i Kigali muri CHUK nkuko ikinyamakuru Mama Urwagasabi cyabitangaje.
Imbogo 5 bimaze kumenyekanye ko zapfuye muri uyu mwaka zivuye mu ishyamba zigatera abaturage aho zikomeretsa zikanica abandi.
