Perezida wa Repubulika Paul Kagame uri mu Misiri aho yitabiriye inama yiga ikibazo cy'imihindagurikire y'ibihe, kuri iki cyumweru yabonanye na mugenzi we wa Kenya, Dr. William Ruto.
Nk'uko bitangazwa n'ibiro bya Perezida Kagame, abakuru b'ibihugu byombi baganiriye ku mubano uzira amakemwa hagati ya Kenya n'u Rwanda ndetse nuko warushaho gutera imbere.
Amakuru yizewe agaragaza ko Perezida Kagame na Perezida Ruto banagarutse ku bibazo by'umutekano mu karere ka Africa y' iburasirazuba (EAC) n'uko byabonerwa umuti.
