Indege yari itwaye ba mukerarugendo muri Uganda, yahanukiye muri pariki yitiriwe Umwamikazi Elizabeth irangirika bikomeye, kuri uyu wa Gatandatu tariki ya 31 Ukuboza 2022.
Iyi ndege biravugwa ko yahushije inzira ubwo yari igiye kugwa ku kibuga cya Mweya giherereye muri pariki ikagonga bimwe mu bice byakorerwagamo n'abakozi.
Abagenzi bane ni bo bari muri iyo ndege nk'uko inkuruChimpreports ibivuga, bakaba bavuyemo nta n'umwe ukomeretse nk'uko ubuyobozi bw'iyi sosiyete bwatanze amakuru.
Iyi mpanuka yabaye nyuma ya saa sita ku wa Gatandatu ndetse ibikorwa by'ingendo z'iyi sosoyete zirakomeje mu gihe hakomeje iperereza ry'icyateye iyi mpanuka.
