11:35" isiganwa rya Tour du Rwanda 2023, ribaye isiganwa rya mbere rivuyemo abakinnyi benshi bagera kuri 30 mu gihe umwaka ushize hari havuyemo abakinnyi 25Â
11:32" agace ka gatatu kari kashyizweho intego y'ahazamuka, Pritzen yakaminutse ari uwa mbere, Arefayne aba uwa kabiri, Bonnet aba uwa kane, De la parte aba uwa kane.
11:28" Abakinnyi bamaze kugenda Kirometero 26.
11:25" Abakinnyi bamaze kugenda Kirometero 18.
Ubwo banyuraga ahahoze gereza ya (1930):
Stewart (Bolton) yari yamaze kuyobora isiganwa wenyine.
Inyuma ye ho 15'', hari itsinda ry'abakinnyi 13 barimo;
Henok Mulueberhane
Bonnet ukinira TotalEnergies
Grellier nawe ukinira TotalEnergies
Calzoni wa Q36.5
Tolio ukinira Green Project,
Lecerf ukinira Soudal-QuickStep,
Vernon ukinira Soudal-QuickStep,
De la Parte ukinira TotalEnergies
Blackmore ukinira GBR,
Fouche ukinira Bolton
Kusztor ukinira Novo Nordisk
Ormiston ukinira ikipe ya Afrika Y'Epfo na
Berasategi ukinira Euskaltel.
Abafana ku muhanda ni bose yaba abava gusenga n'abari kujyayo icyo bari kubona ni igare
11:09" Agace ka mbere kashyizweho intego y'ahazamuka ahagana kuri SP Nyamirambo, Bonnet yabaye uwa mbere, Calzoni aba uwa kabiri, De la parte aba uwa gatatu.
11:05' Abakinnyi bane nibo bayoboye isiganwa barimo Lecerf Grellier na Bonnet bakinira Soudal-QuickStep na Stewart ukinira Bolton.
Mugisha Moise niwe wegukanye agace ka nyuma ka Tour Rwanda ya 2022 nabwo kasorejwe ku i Rebero, gusa kuri iyi nshuro ntabwo ahari kuko yavuyemo mu irushanwa berekeza i Gicumbi
10:56" Agasozi ka mbere kashyizweho intego, kari i Rebero, Jeanniere akaminutse ari uwa mbere, Pritzen aba uwa kabiri, Nsengimana aba uwa gatatu Arefayne aba uwa kane.
10:53" abakinnyi bamaze kugenda Kirometero 6 igikundi kiracyari kumwe nta mukinnyi n'umwe urasatira
09:39" abakinnyi batangiye kubarirwa
Abasiganwa, baragenda Kirometero 75 bazenguruke mu bice bitandukanye bya Kigali, bagaruke ku i Rebero ari naho basoreza.
10:35 abakinnyi 63 nibo batangiye agace ka nyuma ka Tour du Rwanda. Tubibutse ko abakinnyi 93 aribo bari batangiye Tour du Rwanda bagenda bavamo buhoro buhoro, bivuze ko abakinnyi 30 aribo bamaze kuva mu isiganwa.
10:30 Isiganwa riratangiye
Isiganwa riratangiye abakinnyi barabanza kugenda Kirometero 5 na metero 200, babone gutangira kubarirwa.
10:08" biteganyijwe ko isiganwa rya Tour du Rwanda agace ka nyuma gatangira ku isaha ya saa 10:30, bagakora umuzenguruko wa Kirometero 75.
10:04 amakipe ari kwerekanwa
Henok Mulueberhane uyoboye abandi ku rutonde rusange, yiteguye guhatana
Amakipe agera kuri 19 yitabiriye Tour du Rwanda 2023 ari kwerekana abakinnyi
Ikipe y'igihugu y'u Rwanda isigaranye abakinnyi batatu gusa aribo; Masengesho, Nsengimana Jean Bosco na Niyonkuru Samuel.
09:50" Harabura iminota 50 isiganwa rigatangira
Kuva Tour du Rwanda yaba mpuzamahanga, abanyarwanda batatu gusa nibo bamaze kwegukana agace ka nyuma ka Tour du Rwanda.
Agace ka nyuma ka Tour du Rwanda n'abakegukanye
2009: Lahsaini Mouhssine ukomoka muri Maroc yegukanye agace ka nyuma kavaga Nyagatare Kigali.
2010: Debesay Frekalsi ukomoka muri Eritrea yegukanye agace ka nyuma ka Kigali - Kigali
2011: Biziyaremye Joseph yabaye umunyarwanda wa mbere wegukanye agace ka nyuma ka Tour du Rwanda ubwo bavaga i Kibuye berekeza i Kigali.
2012: Langlois Bruno ukomoka muri Canada yegukanye agace ka nyuma ka Kigali- Kigali.
2013: Lagab Azzedine ukomoka muri Algeria yegukanye agace ka nyuma ka Kigali- Kigali.
2014: Mraouni Salah Eddine ukomoka muri Moroc yegukanye agace ka nyuma ka Kigali - Kigali.
2015: Eyob Metkel ukomoka muri Eritrea yegukanye agace ka nyuma ka Kigali-Kigali.
2016: Tesfom Okbamariam ukomoka muri Eritrea, yegukanye agace ka nyuma ka Kigali - Kigali.
2017: Ndayisenga Valens yabaye umunyarwanda wa kabiri wegukanye agace ka nyuma ka Tour du Rwanda.
2018: Lagab Azzedine wo muri Algeria yegukanye agace ka nyuma ka Tour du Rwanda, aba umukinnyi wa mbere ubikoze kabiri.
2019: Rodrigo Contreras ukomoka muri Colombia yegukanye agace ka nyuma ka Tour du Kigali - Kigali.
2020: José Manuel Diaz ukomoka muri Espagne yegukanye agace ka nyuma ka Tour du Rwanda Kigali - Kigali.
2021: Cristian Rodriguez nawe ukomoka muri Espagne yegukanye agace ka nyuma ka Tour du Rwanda Kigali - Kigali.
2022: Mugisha Moise yabaye umunyarwanda wa gatatu wegukanye agace ka nyuma ka Tour du Rwanda, gusa kuri ubu ntafite ubushobozi bwo gufata agahigo ka Lagab Azzedine kuko yavuye mu irushanwa ritarangiye.
Kuva tariki 19 Gashyantare abasore baturutse mu bice bitandukanye by'Isi bari mu Rwanda, aho bahataniraga kwegukana Tour du Rwanda iri gukinwa ku nshuro ya 15 kuva ibaye mpuzamahanga.Kuri uyu munsi abasiganwa barakina agace ka nyuma, ari nako gace gato muri Tour du Rwanda y'uyu mwaka.
Umuhanda abakinnyi banyuramo
Abasiganwa barakora Kirometero 75 na metero 300,Abakinnyi barahagurukira CANAL OLYMPIA ku i Rebero, mu gihe batangira kubarirwa bageze Camp Zaïre.
Abakinnyi baranyura, Kanogo - Rugunga - SEGEM - Gikondo kwa Mironko - Merez 1 - Merez 2 - Umuhanda w'amabuye -Rond point Rebero - Miduha - LP - Kuri Tapis - Kwa Gisimba - Nyakabanda - Kwa Mutwe - Mosqué Majengo - ONATRACOM - Gitega - Gereza - Yamaha - Kinamba - Poids Lourds - Kanogo bahazenguke inshuro 3.
Rugunga - SEGEM - Gikondo kwa Mironko - Merez 1 - Merez 2 - Umuhanda w'amabuye - Rond point Rebero basoreze n'ubundi kuri Canal Olympia i Rebero.
Uko uduce tubanza twagenze
Iri siganwa ryatangiye tariki 19 Gashyantare aho abasiganwa bavuye Kigali berekeza i Rwamagana, ku ntera ya Kirometero 115.6. Vernon Ethan niwe wabaye uwa mbere akoresheje amasaha 2, iminota 45 n'amasegonda 52.
Bukeye bwaho abasiganwa bahagurutse i Kigali berekeza mu karere ka Gisagara, ku ntera ya Kirometero 132 na metero 900.Aka gace nabwo kegukanwe na Ethan Vernon akoresheje amasaha 3 iminota 22 n'amasegonda 30,akaba nabwo yaracitse abari bamukurikiye benda gusoza.
Ethan ukomoka mu Bwongereza, niwe wegukanye agace ka mbere n'aka kabiri ka Tour du Rwanda 2023, aba n'umwongereza wa mbere ubikoze
Ku munsi wa gatatu, abakinnyi bakoze intera ndende muri Tour du Rwanda y'uyu mwaka, kuko bagenze Kirometero 199 na metero 500, bava Huye berekeza Musanze. Icyo gihe, Henok Mulueberhane ukinira Green Project wari wabaye uwa kabiri bajya Gisagara, yaje kuba uwa mbere akoresheje amasaha 5 iminota 13 n'amasegonda 37.
Tariki 22 Gashyantare, abakinnyi bahagurutse i Musanze berekeza i Karongi ku ntera ya Kirometero 138 na metero 500, Thomas Bonnet ukinira TotalEnergies agera i Karongi ari uwa mbere akoresheje amasaha 3, iminota 19 n'amasegonda 23.
Agace ka gatanu kahagurutse Rusizi kerekeza Rubavu, aho abakinnyi bakoze intera ya Kirometero 195 na metero 500, Ormiston Callum ukinira ikipe y'igihugu ya Afurika Y'Epfo niwe wageze i Gisenyi ari uwa mbere, aho yakoresheje amasaha 4, iminota 59 n'amasegonda 51.
Agace ka gatandatu kakinwe tariki 24 Gashyantare aho abakinnyi bahagurutse Rubavu berekeza i Gicumbi, ku ntera ya Kirometero 157. Icyo gihe, Badilatti Matteo ukinira ikipe ya Q36 Pro Cycling team niwe wegukanye aka gace, akoresheje amasaha 4 iminota 11.
Thomas Bonnet niwe wegukanye agace ka kane kavaga i Musanze kerekeza i Karongi
Isiganwa ryahise rigaruka i Kigali, aho kuri uyu wa gatandatu abakinnyi bahagurukiye i Nyamata berekeza i Kigali ku ntera ya Kirometero 115. Tarozzi Manuele niwe wabaye uwa mbere akoresheje amasaha 2, iminota 58 n'amasegonda 53.
Tour du Rwanda y'uyu mwaka abakinnyi bagomba kugenda Kirometero 1129.9, bakaba bamaze gukoresha Kirometero 1054 n'ibice bitandatu.Henok Mulueberhane niwe umaze gukoresha ibihe bike ari nawe uyoboye isiganwa, akaba amaze gukoresha amasaha 26, iminota 53 n'amasegonda 9 anganya na Calzoni Walter, mu gihe Muhoza Eric ukinira Bike Aid ariwe munyarwanda uza hafi kuko arushanwa n'umukinnyi wa mbere amasegonda 8.
Callum Ormiston ukomoka muri Afurika y'Epfo, niwe wegukanye agace ka 5 kavaga Rusizi kerekeza i Gisenyi
Umusuwisi Badilatti Matteo niwe wegukanye agace ka gatandatu kavaga i Rubavu kerekeza i Gicumbi
Manuele Tarozzi ukomoka mu Butariyani, niwe wegukanye agace ka karindwi abenshi bavuga ko ariko gace kari kagoye muri iri siganwa uyu mwaka
Muhoza Eric niwe munyarwanda uhagaze neza kuko arushwa amasegonda 8 n'umukinnyi wa mbere
Mugisha Moise wari amizero y'abanyarwanda yaje kuva mu isiganwa ubwo hakinwaga agace ka gatandatu
