Somaliya: Batatu bapfuye abandi umunani bakomerekera mu mpanuka ya kajugujugu y'ingabo za ATMIS #rwanda #RwOT

webrwanda
0

Mu itangazo ryashyizwe ahagaragara na ATMIS, yavuze ko kajugujugu yari itwaye abagenzi 11 barimo n'abasirikare bo mu gisirikare cya Somaliya, yari mu myitozo yo guhungisha inkomere igihe impanuka yabaga.

ATMIS muri iryo tangazo yagize ati: "Ikibabaje ni uko batatu mu bagenzi cumi n'umwe bari mu ndege bahasize ubuzima. Abasirikare umunani bakomeretse bimuriwe i Mogadishu kugira ngo bavurwe byihutirwa."

Ntabwo yigeze itanga ibisobanuro birambuye ku bapfuye n'ubwenegihugu bwabo, ariko bavuga ko iperereza ryatangiye ngo hamenyekane icyateye iyi mpanuka nk'uko iyi nkuru dukesha Reuters ivuga.

ATMIS ifasha guverinoma nkuru ya Somaliya mu ntambara yo kurwanya inyeshyamba za kisilamu zo mu mutwe wa al Shabab.

Umutwe wa Al Shababukkorana na Al Qaeda umaze imyaka isaga icumi urwanira guhirika guverinoma ya Somaliya no gushyiraho ubutegetsi bugendera ku mategeko ya shariya.



Source : https://umuryango.rw/amakuru/article/somaliya-abantu-batatu-bapfuye-abandi-umunani-barakomereka-mu-mpanuka-ya

Post a Comment

0Comments

Post a Comment (0)