Yabigarutseho kuri uyu wa Mbere tariki 27 Werurwe 2023, mu butumwa yanyujijeho kuri konti ye ya Twitter ikurikirwa n'abantu barenga ibihumbi 710.
Gen Kainerugaba ukunze gutambutsa ubutumwa bunyuranye kuri uru rubuga, yavuze ko iki gitaramo kizaba ari cyo gikomeye muri uyu mwaka, kandi ko bizaba ari ibicika muri iki gitaramo.
Uyu mugabo ukunze kugaragaza ko yiteguye kwiyamamariza kuyobora Uganda, yavuze ko uretse ko aba bahanzi hazaba hari n'abandi bazasusurutsa abanya-Uganda.
Ku wa 19 Mutarama 2023, Gen Muhoozi yifashishije Twitter yavuze ko ibirori byo kwizihiza isabukuru ye y'imyaka 49 bizabera i Kigali. Asanzwe yizihiza isabukuru y'amavuko, buri tariki 24 Mata.
Muri Kamena 2022, nabwo Muhoozi yari yatumiye Massamba kujya muri Uganda kuririmba mu irushanwa ry'umupira w'amaguru ryabereye ku kibuga cya Rushere.
Ibi birori byari byatumiwemo urubyiruko, abayobozi, abanyapolitiki, abikorera n'abandi. Icyo gihe, Massamba yanditse kuri konti ye ya Twitter ashima ubutumire bwa Lt Gen Muhoozi, avuga ko azitabira kandi ko ari ibyicyubahiro kongera gutumirwa.
Massamba kandi yaririmbye mu birori by'isabukuru ya Muhoozi mu 2022. Icyo gihe, yahaye Muhoozi impano y'umupira wanditseho 'Inkotanyi cyane'.
Uyu muhanzi yataramiye abitabiriye ibirori by'isabukuru y'uyu muhungu wa Museveni, aririmba indirimbo ze zakunzwe.
ÂThe 'Rukundo Egumeho' concert 2023 is the biggest this year. It will be on fire! Bebe Cool, Chameleon, Massamba Intore and many others! Let's meet there on the 19th of April.
â€" Muhoozi Kainerugaba (@mkainerugaba) March 27, 2023
Gen. Muhoozi Kainerugaba yavuze ko bizaba ari ibicika muri iki gitaramo 
Massamba Intore uzwi mu ndirimbo nka 'Ikizungerezi', 'Araje', 'Kanjongera', 'Nzajya inama nande' yatangajwe mu bahanzi bazaririmba mu gitaramo kizabera muri Uganda, ku wa 19 Mata 2023Â 
Chameleone aherutse gukorera igitaramo muri Uganda kitabiriwe n'ibihumbi by'abantu, yandika amateka avuguruye mu muziki we. Uyu mugabo yamamaye mu ndirimbo nka 'Shida za dunia', 'Kuma Obwesigwa', 'Badilisha' n'izindi 
Bebe Cool wamamaye mu ndirimbo nka 'Love you everyday' imaze imyaka umunani, 'Easy', 'Zzina' n'izindi azahurira ku rubyiniro n'abahanzi bakomeye muri iki gitaramo
