Perezida Kagame yakiriye mu musangiro abitabi... - #rwanda #RwOT

Mu bikorwa birimo guherekeza Inama ya 73 ya FIFA, ku mugoroba wo kuri uyu Gatatu, Perezida wa Repubulika Paul Kagame na Madamu Jeannette Kagame, bagize umugoroba wo gusangira n'abashyitsi bitabiriye Inama ya 73 ya FIFA iri kubera mu Rwanda ku nshuro yayo ya mbere ikaba inshuro ya 4 ibereye muri Afurika.

Uku gusangira kwabereye muri Camp Kigali, kwarimo abashyitsi batandukanye barimo na Samuel Eto'o uyobora ishyirahamwe ry'umupira w'amaguru muri Cameroon ndetse akaba umwe mu bakinnyi bakomeye Afurika yagize.

Perezida Kagame yafashe ijambo aganira n'abari bitabiriye uyu musangiro  

Umukirigitananga Sophia Nzayisenga yasusurukine abari bitabiriye uyu musangiro

Uhereye ibumoso: Patrice Motsepe uyobora CAF, Perezida Paul Kagame, Gianni Infantino uyobora FIFA 

Itorero ry'igihugu Urukerereza ni ryo ryataramiye abitabiriye uyu musangiro

Samuel Eto'o wambaye isaha yari mu bitabiriye uyu musangiro. Samuel Eto'o yabaye kapiteni wa Cameroon imyaka itari mike ayikinira imikino 118 ayitsindira ibitego 56, kuri ubu ni umuyobozi w'ishyirahamwe ry'umupira w'amaguru muri Cameroon, ariyo mpamvu ari mu Rwanda

Gianni Infantino agiye kongera kuyobora FIFA muri manda ye ya gatatu, akaba yarafashe FIFA bwa mbere mu 2016 

Source : https://inyarwanda.com/inkuru/127107/perezida-kagame-yakiriye-mu-musangiro-abitabiriye-inama-ya-fifa-amafoto-127107.html