Umugore w'Umunyapolitiki,Raila Odinga witwa Ida Odinga,yagiriye inama abagore bo mu ntara yitwa Homa Bay County kwita abana babo amazina ye cyangwa ay'umugabo we kugira ngo bakomeze kurinda izina ry'umuryango wa ba Odinga.
Mu ijambo yagejeje ku baturage ubwo habaga umuhango wo kumurika ingamba zo kurwanya ihohoterwa rishingiye ku gitsina rikorerwa mu ngo aha muri Homa Bay, Madamu Ida yashishikarije abagore bo muri ako gace kwita abana babo Ida cyangwa Raila.
Ngo gukora ibyo bizatuma,abatuye Homa Bay bagira ibigwi nk'ibya Raila.
Ati "Bizaba ari icyubahiro.Ibi ndabivuga kubera ko nkunda Homa Bay,'
Mama Ida yatanze ubu butumwa nyuma yo gusaba abagore bose batwite bari bitabiriye uyu muhango muri ako gace kwegera imbere akabaha amafaranga.
Uyu kandi yasabye aba bagore kwita abakobwa babo izina rya Guverineri wa Homa Bay, Gladys Wanga, niba badashaka kubita irye.
