Umunyamideli ukomeye ku isi, Irina Shayk w'imyaka 37,yahuye n'uruva gusenya akimara gutandukana n'uwari umukunzi we Cristiano Ronaldo kuko abantu miliyoni 11 bahise bareka kumukurikira kuri Instagram.
Madamu Shayk yatandukanye na rutahizamu wa Al-Nassr,Cristiano Ronaldo w'imyaka 38, bakundanye muri 2010 na 2015.
Uyu Murusiyakazi w'uburanga yahuye na Ronaldo ubwo uyu mukinnyi yavaga muri Manchester United yerekeza muri Real Madrid muri 2009.
Aba ntibahise batangaza ko bakundana kuko babikoze nyuma y'umwaka wose bakundana mu ibanga.
Aba bombi babanye mu nzu imwe mu gihe cy'imyaka itanu ndetse baba abakundana b'icyitegererezo mu byamamare
Icyakora umubano wabo waje kurangira muri 2015 ubwo aba bashwanaga bananiwe kutumvikana ku byerekeye kubana nk'umugabo n'umugore.
Andi makuru avuga ko Irina yanze kwitabira ibirori by'isabukuru ya nyina wa Ronaldo birakaza uyu mukinnyi bahita bacana uwaka.
Icyakora uhagarariye Irina, yarabihakanye avuga ko igihe cyose uyu mugore yakundanye na Cristiano Ronaldo yari hafi y'umuryango w'uyu mukinnyi.
Nyuma yo gutandukana,Irina yahise akundana n'umukinnyi wa Filimi Bradley Cooper banabyarana umwana w'umukobwa.
Muri 2016,nibwo Ronaldo yahuye n'umukunzi we bakiri kumwe ubu, Georgina Rodriguez.
Muri uwo mwaka,Irina yasabye abamukurikira kuri Instagram guhagarika kumukurikira niba bamuzi guza nk'uwahoze ari umukunzi wa Cristiano Ronaldo.
Akimara gutanga iryo tangazo,abantu miliyoni 11 mu bamukurikiraga bahise bahagarika kumukurikira mu masaha 24 gusa.Abo banganaga na 75 ku ijana ry'abantu yari afite.
Icyakora uyu mugore muri 2023,afite abamukurikira kuri Instagram bangana na miliyoni 21.
