Producer Madebeats ubarizwa muri 1:55AM Ltd, sosiyete ifasha abahanzi afatanyije n'abarimo Coach Gael, yashyize umucyo ku kibazo kimaze iminsi gitutumba hagati y'uyu mushoramari n'umuhanzi The Ben.
Abakurikiranira hafi imyidagaduro bazi uguhangana kumaze iminsi ku mbuga nkoranyambaga, aho abashyigikiye The Ben bashinja Coach Gael gukoresha amafaranga akishyura abantu ngo baharabike uyu muhanzi.
Ibi Madebeats yabigarutseho mu kiganiro yagiranye n'uwitwa Godfather umaze kubaka izina ku rubuga rwa Twitter, aho mu ijwi rye, uyu producer yagaragaje ko iki kibazo gishingiye ku mafaranga The Ben arimo Coach Gael.
Muri iki kiganiro Madebeats avuga ko Coach Gael ari we uri inyuma y'ibimaze iminsi bivugwa kuri The Ben, agahamya ko yabitewe n'umujinya w'amafaranga amurimo yanze kumwishyura.
Kugeza ubu bivugwa ko Coach Gael yishyuza The Ben abarirwa hagati ya $75,000 â€" $ 100,000 (miliyoni hagati ya 75 -100 Frw). Aya mafaranga ni ayo Coach Gael avuga ko yakoresheje ubwo hakorwaga indirimbo 'Why' The Ben yahuriyemo na Diamond.
