Manchester City yaraye yandagaje Arsenal iyitsinda ibitego bine kuri kimwe mu mukino w'Umunsi wa 33 wa Shampiyona y'Icyiciro cya Mbere mu Bwongereza (Premier League). Ibitego bya Manchester City byatsinzwe na Kevin De Bruyne watsinze ibitego bibiri na John Stones , ikindi gitsindwa na Erling Haaland watsinze igitego cya nyuma, yaciye agahigo ko kuba umukinnyi wa mbere ugize ibitego 33 muri iyi Shampiyona y'imikino 38 ari gukina bwa mbere.
Iki gitego cy'uyu Munya-Norvège w'imyaka 22, cyatumye aca agahigo ko kuba umukinnyi wa mbere utsinze ibitego 33, byinshi mu mateka ya Premier League y'imikino 38. Haaland uri gukina iyi Shampiyona bwa mbere, yanganyaga ibitego 32 na Mohamed Salah wabitsinze mu 2017/18, nyamara ubu we aracyasigaje indi mikino irindwi.
Gusa, si we wa mbere umaze gutsinda ibitego byinshi mu mwaka umwe w'imikino kuko Andrew Cole na Alan Shearer, bombi batsinze ibitego 34 mu 1993-94 na 1994-95 uko bakurikirana. Icyo gihe, Premier League yari igizwe n'amakipe 22 aho kuba 20 nk'uko bimeze uyu munsi.
Source : https://yegob.rw/haaland-yandikishije-amateka-mashya-muri-premier-league-ahanagura-aya-salah/
